भूकम्पबाट क्षतिग्रस्त क्षेत्रको पुनःनिर्माणलाई एकीकृत कार्ययोजना

गत शुक्रबार राति ११:४७ मा आएको ६.४ म्याग्नेच्यूटको विनाशकारी जाजरकोट भूकम्पबाट क्षतिग्रस्त क्षेत्रको पुनःनिर्माणलाई एकीकृत कार्ययोजना बनाई अघि बढाउने निर्णय सरकारले गरेको छ ।

भूकम्प पीडितहरुलाई राहत दिनेबारे छलफल गर्न कात्तिक १९ गते बसेको मन्त्रिपरिषद्को बैठकले सो निर्णय गरेको हो ।

बैठकले 'सहरी विकास मन्त्रालयले जाजरकोटलाई आधार मानेर भूकम्पबाट क्षति भएका संरचनाहरूको पुनःनिर्माण कार्य अघि बढाउने र पुनःनिर्माण कार्य अघि बढाउँदा भूकम्प प्रतिरोधात्मक संरचना एक वर्षभित्र निर्माण गरिसक्ने' समेत निर्णय गरेको छ ।

उक्त बैठकले गरेको निर्णयहरुमा भूकम्पबाट आवास क्षति भएका परिवारलालाई अस्थायी बसोबासको लागि टहराहरू निर्माण गर्ने;  खोज, उद्धार, तत्काल राहत र घाइतेहरूको निःशुल्क उपचारमा प्राथमिकता दिने र भूकम्पबाट विस्थापित भएका परिवारलाई अस्थायी आवास, खाद्यान्न र सुरक्षा प्रबन्ध मिलाउने;  मृतक परिवारलाई तत्काल दुई लाख रुपैयाँका दरले राहत उपलब्ध गराउने;  भूकम्पबाट क्षति भएका सडक, सञ्चारलगायतका संरचना तत्काल सञ्चालनमा ल्याउने व्यवस्था सम्बन्धित निकायले गर्ने लगायतका निर्णयहरु पनि गरेको छ ।

 

; ; ; ;