बन्दुक उठाउने अधिकार

दायित्वबोध

मंसिर १, २०८० शुक्रबार ०८:३९

सोभियतसंघ र अल्वानिया दुवै समाजवादी मुलुक । त्यसैले दुई देशका नेताहरुबीच भ्रमणको आदानप्रदान भइरहन्थ्यो । यसैक्रममा एकपटक सोभियत नेता निकिता ख्रुश्चेभ अल्बानियाको भ्रमणमा गएका थिए।

भ्रमणको क्रममा अल्बानियाली नेता अनवर होजाले ख्रुश्चेभलाई अल्वानियामा गरिएको सामुहिक खेती देखाउन लगे। ख्रुश्चेभले खेतमा काम गरिरहेको एक जना किसानले काँधमा केही बोकिरहेको देखे।

ख्रुश्चेभले होजालाई ती किसानले के बोकेको हो भनेर प्रश्न गरे। होजाले सहजरुपमा जवाफ दिए- बन्दुक।

होजाको जवाफ सुनेर ख्रुश्चेभ स्तब्ध भए। उनले भने- "बन्दुक ? हाम्रो देशमा हामी आम जनतालाई बन्दुक बोक्न दिदैनौ। के थाहा कुन दिन जनताले हामीविरुद्ध नै बन्दुक उठाउलान् फेरि ।''

ख्रुश्चेभको कुरा सुनेर होजाले शान्त भएर जवाफ दिए- ''हो, हामीले ठीक ढंग काम गरेनौं भने जनतालाई हामीमाथि बन्दुक उठाउने पूर्ण अधिकार हुनुपर्छ । त्यसैले हामीकहाँ जनतालाई बन्दुक बोक्ने छुट छ !''