जीवन र मृत्युप्रतिको माओको अवधारणा

आफ्नो जीवनको अन्त्यतिर माओ त्सेतुङले आफू बिरामी परेको अवस्थामा धेरै पटक आफ्ना वरपरका कर्मचारीहरूसँग वस्तुहरूको अन्त्य (मृत्यु) बारे कुरा गर्ने गर्थे।

माओले भन्थे- म जीवित छँदा मैले धेरै माछाहरु खाएँ, त्यसैले मेरो मृत्युपछि मलाई समुन्द्रमा फालिदिनू र माछाहरूका लागि आहारा बनाइदिनू। तिमीहरूले माछाहरूलाई भन्नू, ‘ओ माछा! माओ त्सेतुङ तिमीहरूसँग प्रायश्चित गर्न आएका छन्, उनी जीवित छँदा उनले तिमीहरूलाई खाए। अब तिमीहरूले उनलाई खाऊ र तिमीहरू मोटाऊ ताकि तिमीहरू गएर जनताको सेवा गर्न सक।’

यसैलाई भौतिक अमरताको नियम भनिन्छ।