के ब्रम्हाण्डको पनि आयु सकिनेछ ?
![](https://snowberry.prixacdn.net/media/gallery_folder/universe_SyLXucRCTS_i1tjppqdziazewy2vv3zl2ocdrntiak80qtclldfqszofyeszwwwq1j3zoec_6MbjyplkRv_qcs7d4egl5lancm1rgs8gab3awu0klsnf8gv8lnedvo8kidu5p3dol0aepil.jpg)
वैज्ञानिकहरुले ब्रम्हाण्डका बारेमा विभिन्न वैज्ञानिक–अनुसन्धान गरी यसको उत्पत्ति आजभन्दा १३ अरब ८० करोड वर्ष पहिले भएको हुनुपर्ने बताएका छन् । ब्रम्हाण्डको उत्पत्तिको बारेमा विभिन्न सिद्धान्तहरुको परिकल्पना गरिए पनि अधिकांश वैज्ञानिकहरु ब्रम्हाण्डको उत्पत्तिसम्बन्धी महाविस्फोटन (big bang) को सिद्धान्तलाई सत्यको धेरै नजिक रहेको ठान्दछन् ।
महाविस्फोटनको सिद्धान्तअनुसार, अहिले ब्रम्हाण्डमा अस्तित्वमा रहेका सबै पदार्थहरु र शक्तिहरु एकै स्थानमा खाँदिएर रहेका थिए । त्यसरी एकै ठाउँमा खाँदिएर रहेका पदार्थ र शक्तिहरु पछि एउटा ठूलो विस्फोटनका साथ छुट्टिए र ब्रम्हाण्डको उत्पत्ति हुन गयो । वैज्ञानिकहरुको विश्वासमा त्यस बेलादेखि नै हाम्रो ब्रम्हाण्ड निरन्तर रुपमा फैलिँदै गइरहको छ र यो क्रम निरन्तर रुपमा जारी छ ।
एकाथरि वैज्ञानिकहरुको मतमा ब्रम्हाण्ड फैलिने यो क्रम अनन्तकालसम्म जारी रहनेछ । यो निरन्तर जारी रहेर एउटा यस्तो अवस्थामा पुग्नेछ, जुन अवस्थामा सबै कुरा जम्नेछ । खासगरी, ब्रम्हाण्ड फैलिँदै जाँदा यो चिस्सिने क्रम पनि जारी रहनेछ । तारापुञ्जहरु टाढा टाढा फैलिँदै गएर अनन्तः चिसो अवस्थामा पुग्नेछ । अबको अरबौं खरबौं वर्षपछि ताराहरुको निर्माण र अन्त्य हुने चक्र पनि सकिएर जाने५ । त्यस्तो अवस्थामा ब्रम्हाण्ड निष्क्रिय अवस्थामा पुग्नेछ । वैज्ञानिकहरुले यस सिद्धान्तलाई Big freeze नामाकरण गरेका छन् । ब्रम्हाण्डको आयुबारेमा अहिलेसम्मको सबैभन्दा स्वीकार्य सिद्धान्त यो हो ।
तर केही वैज्ञानिकहरुको परिकल्पनामा त ब्रम्हाण्डको यो फैलावट एउटा निश्चित सीमामा गएर सुस्त हुँदै जानेछ, अन्तत: एउटा बिन्दूमा पुगेर त्यो रोकिने छ र पुनः यो खुम्चने क्रम शुरु भई उत्पत्ति कालको शुरु स्वरुपमा नै फर्कनेछ । वैज्ञानिकहरुले ब्रम्हाण्डको यो स्वरुपलाई big crunch भन्ने गर्छन् ।
अहिलेसम्म के विश्वास गरिन्छ भने मानिसले ब्रम्हाण्डका बारेमा ५ प्रतिशत जति मात्र थाहा पाएका छन् बाँकी ब्रम्हाण्ड रहस्यमय डार्क इनर्जीले व्याप्त छ । वैज्ञानिकहरुको विश्वासमा त्यही डार्क इनर्जीले नै ब्रम्हाण्डलाई फैलाउने काम तीब्र गतिमा गरिरहेको छ । भविष्यमा एउटा सीमामा पुगेपछि यो डार्क इनर्जी कमजोर बन्दै जान्छ र परिणामत: ब्रम्हाण्डको विस्तार पनि रोकिनेछ । त्यस्तो अवस्थामा पहिले फैलिएको ब्रम्हाण्ड गुरुत्वाकर्षण बलका कारण पुन: खुम्चने प्रक्रिया शुरु हुनेछ ।
उनीहरुले यो नामाकरण महाविस्फोटन सिद्धान्तको अंग्रेजी नाम Big Bang लाई पछाडिपट्टिबाट फर्काएर The Gnab Gib राखेका छन् । तर केही वैज्ञानिकहरु चाहिँ यो सिद्धान्तलाई स्वीकार्दैनन् । उनीहरुको विचारमा यो फैलने क्रम निरन्तर रुपमा अनन्त कालसम्म जारी रहनेछ ।
त्यसो त ब्रम्हाण्डका बारेमा नयाँ नयाँ अनुसन्धानहरु पनि भइरहेका छन् र नयाँ नयाँ सिद्धान्तहरु पनि प्रकाशमा आइरहेका छन् । एकथरि वैज्ञानिकहरुको मतमा ब्रम्हाण्ड फैलिने क्रम जारी नै छ तर यो असीमित चाहिँ रहने छैन । उनीहरुको मतमा हरेक पदार्थको आयु हुन्छ र त्यसअनुसार ब्रम्हाण्डको पनि आयु छ । जसरी ताराहरु नष्ट भएर कालो प्वालमा बदलिन्छन्, त्यसै गरी यस ब्रम्हाण्डमा भएका सबै तारा, ग्रह तथा पिण्डहरु पनि नष्ट हुने निश्चित छ । एउटा निश्चित समयपछि पदार्थहरु नष्ट हुँदै जाने क्रममा एक दिन त्यस्तो अवस्था पनि आउने छ, जब ब्रम्हाण्डमा भएका सबै पदार्थहरु नष्ट भएर जानेछन् । यहाँसम्म कि कालो प्वालसमेत नष्ट भएर ब्रम्हाण्ड एउटा अँध्यारो शून्यमा परिणत हुनेछ । तर यस्तो हुन लाग्ने समय यति धेरै हुनेछ, जसलाई हामी अंकमा व्यक्त पनि गर्न सक्तैनौं ।
वर्तमान अवस्थामा भने ब्रम्हाण्ड तीब्र रुपमा फैलिने क्रम जारी छ । यस आधारमा भन्दा चाहिँ ब्रम्हाण्ड कहिल्यै नरोकिने गरी विस्तार भइरहेको बीग फ्रिजकै सिद्धान्तमा चलिरहेको छ । त्यसो त ब्रम्हाण्डको आयुबारे गहन अध्ययन अनुसन्धानहरु चलिरहेका छन् र हालसम्मका तथ्यहरुले यो अझै खरबौं वर्षसम्म यसरी नै फैलिइनै रहने मान्यतालाई अघि सारेको छ । सम्भवत: हालसम्म विज्ञानको लागि रहस्यमय नै रहेको डार्क इनर्जीबारे भविष्यमा पत्ता लाग्ने नयाँ नयाँ कुराहरुले यस दिशामा थप प्रकाश पार्नेछ ।
![सजिलो थिएन आदिम मानवको जीवन !](https://snowberry.prixacdn.net/media/gallery_folder/Shape%2520of%2520Earth%252001_EBgMgWNwNb_stcvolypk8yzaokzijusah9fwcyiwz0bhd8bmcmrz3m3gk3azsg2cehf5khz_HHWrAC1zDY_ochf3potzvarsteiyky7mdd0h3dmlf1ms01nt4gbnpfwaakfysgkbbi6p6jj.jpg)
सजिलो थिएन आदिम मानवको जीवन !
![शुक्र ग्रह किन पूर्वबाट पश्चिमतर्फ घुम्छ ?](https://snowberry.prixacdn.net/media/gallery_folder/Venus%2520planet_oxh3Rk0fNN_ntrw4fpufpfgcodlsl6jwrj355jf1iwtj0g9urftwq5irvdkzlihegmdcnal_NsH9B7nCEa_4giwiluvgfdurjmtqjgzlv0im9qfoyg0d3qtwun9ipd2j30hmokmybbhiyo9.jpg)
शुक्र ग्रह किन पूर्वबाट पश्चिमतर्फ घुम्छ ?
![आणविक हतियार संकलनको भयानक होडबाजी: कुन देशसँग कति छ ?](https://snowberry.prixacdn.net/media/gallery_folder/nuclear-bomb_ApT1lOpeBU_ifm2k0ihlqarrcufljvcydaqdk804fuks2genec09p4gyerb2vsaqctnv7xx_FTmUvsrXLx_hi54r0gv0uvql68h68zdk2svup1jxl566uul4500szhavacwf0dxdmm6sz5z.jpg)
आणविक हतियार संकलनको भयानक होडबाजी: कुन देशसँग कति छ ?
![ग्रहहरुको घुम्ने र सूर्यलाई फन्को लगाउने गति किन फरक फरक हुने गर्छ ?](https://snowberry.prixacdn.net/media/gallery_folder/solar%2520system_78QLPYiirR_fs5ouioquo8uql35t3jvof0dbmbhji2aynuoczgwzhrvygmplx3m1slto30e_Tl9z3lwiht_wriwceb5qqtkpksye5nkrasxmhov2dn7ccrbhkvgrvc6apm8oahieoz73grf.jpg)
ग्रहहरुको घुम्ने र सूर्यलाई फन्को लगाउने गति किन फरक फरक हुने गर्छ ?
![किन घुम्छ पृथ्वी, घुम्न रोकिए के होला ?](https://snowberry.prixacdn.net/media/gallery_folder/Earth%2520rotation_iTYHNqK4e5_sfpmh0crbgqmi9skci0xftfbzcet8hlhoydx6oqa26v2fa3v6s7xmk9ziopu_iyK5ZxZFEM_kriwxtdoezpka5t5ce8vev8vymgki7vfewclq2xej2ef46ws2h3wjhxlwiz9.jpg)
किन घुम्छ पृथ्वी, घुम्न रोकिए के होला ?
![ग्रहका आकारसम्बन्धी केही रमाइला तथ्यहरु](https://snowberry.prixacdn.net/media/gallery_folder/Planet%2520size%2520comparision_q1PjHpOiRJ_r1606svicsx1mtru40vz8twsvjt9ka0qls0xdm7d9iwad0xegbbjpdoxapeo_gwzar1meg7_rgdflvdmzdignn4rdlslfffcwlybpotj5hpov3aelxxb6dvtcmvk5xbfcqml.jpg)
ग्रहका आकारसम्बन्धी केही रमाइला तथ्यहरु
![भूउपग्रहका विरुद्ध लेजर हतियारयुक्त पनडुब्बीको प्रयोग गर्न सकिने](https://snowberry.prixacdn.net/media/gallery_folder/starlink%2520satalite_XUJNkGeLpx_eqftj5mivkzhppfn1goaziqayqkr6gbfiudahw1g0beadntwzmqfhypzwtet_aLEhqhGoNM_3w52unu9asxugm0gkqwyuoahkdnn1itwrypweb2nzgodewxtk6giviry63j9.webp)
भूउपग्रहका विरुद्ध लेजर हतियारयुक्त पनडुब्बीको प्रयोग गर्न सकिने
![ब्लाक होल: ब्रम्हाण्डको विचित्र क्षेत्र](https://snowberry.prixacdn.net/media/gallery_folder/Black%2520hole%2520imagine_iGHl02yOOj_dpmtgcaprnmtach5trarbxqybkbmrvi3xrl1pajmlz7elzroylrgrevxzwgi_Lgnwq4AouT_zoylvs3m03phl0vbnq5gglfr75qyy5oedshbp8e0lap8s3kegioui8dnaubc.jpg)
प्रतिक्रिया