इजरायल हमासबीच युद्धविराम हुने
पश्चिम एशियाको गाँजापट्टीमा युद्धरत इजरायल–हमास र अमेरिकाबीच युद्धविराम हुने खबर सार्वजनिक भएको छ ।
वासिङटन पोष्टलाई हवाला दिँदै समाचार संस्था रोयटर्सले प्रकाशित गरेको जानकारी अनुसार कम्तिमा पाँच दिनका लागि युद्धविराम गर्ने र हमासले बन्धक बनाएकाहरुमध्ये बालबच्चा, महिला तथा विरामीहरुलाई रिहा गर्ने सहमति भएको छ ।
त्यसअनुसार ६ पेजको सम्झौता पत्र तयार गरिएको तथा हमासले बन्धक बनाएका मध्ये ५० वा सोभन्दा बढीलाई ससानो समूहमा चरणबद्ध रुपमा रिहा गर्ने सहमति भएको छ ।
वासिङटन पोष्टले उक्त वार्ताबारे जानकारहरुको हवाला दिँदै हिजो शनिवार उक्त सामाचार प्रकाशित गरेको थियो ।
स्मरण रहोस्, हमासले गत अक्टोबर ७ गते इजरायलमा गरेको अप्रत्याशित छापामार आक्रमणमा १२०० भन्दा बढी इजरायलीहरुको हत्या गर्नुको साथै २४० जना जतिलाई बन्धक बनाएको थियो । त्यस आक्रमणमा परी १० जना नेपालीहरुको पनि ज्यान गएको थियो । त्यसको बदलामा इजरायलले गाजा क्षेत्रमा जारी राखेको हवाइ हमलामा दशौं हजार निर्दोष प्यालेष्टिनीहरुको हत्या भइसकेको छ । बदलाको कारवाहीमा इजरायलले अस्पताल, स्कुल तथा शरणार्थी शिविरहरुमा समेत अन्धधुन्ध हवाइ तथा स्थल आक्रमण गरेर भयानक युद्ध अपराध गरिरहेको छ । तर अमेरिका तथा युरोपको साथ समर्थन पाएको इजरायलको यो युद्ध अपराध निर्वाध रुपमा चल्दै आएको छ ।
मण्डेलादेखि मोर्सीसम्म : इमरान खान र पाकिस्तानी राज्यसत्ताको क्रूर परपीडक चरित्र
अफ्रिकन नेसनल कंग्रेसको पतन
एपेकको कार्यसूचीका लागि ग्लोबल साउथको एउटै साझा माग : ऋण मिनाहा
इजरायललाई अमेरिकी सहायता बन्द गर्ने ट्रम्पको घोषणा
अमेरिकी मध्यावधि निर्वाचनमा 'निलो लहर' र ट्रम्प प्रशासनमाथिको ठूलो धक्का
रूस–युक्रेन युद्ध: चार वर्षपछि पनि किन टुंगिन सकेको छैन यो युद्ध?
इरान युद्ध र तेस्रो विश्वयुद्धको बहस: विश्व साँच्चै कता जाँदै छ?
प्रतिक्रिया