तुरन्तै युद्धविराम र मानवीय सहायता पुग्न दिनुपर्ने प्रस्ताव पारित
संयुक्त राष्ट्रसंघको महासभाले मानवीयताको आधारमा इजरायल र हमासले तुरुन्तै युद्धविराम गर्नुपर्ने र गाजाक्षेत्रमा सहायता पुर्याउन दिनुपर्ने प्रस्ताव पारित गरेको छ ।
प्रस्तावमा गाजाक्षेत्रमा फँसेका आम नागरिकहरुको जीवन रक्षाका लागि अत्यावश्यक सहयोग सामग्री तथा सेवाहरु निरन्तर, पर्याप्त मात्रामा निर्वाध पुग्न दिनुपर्ने समेत माग गरिएको छ ।
उक्त प्रस्तावको पक्षमा १२० वटा देशहरुले मत हालेका थिए भने अमेरिका र इजरायल लगायत १४ वटा देशहरुले भने विपक्षमा मतदान गरेका थिए । ४५ वटा देशहरु चाहिँ मतदानमा अनुपस्थित रहे । मतदानमा अनुपस्थित रहेको क्यानडाले प्रस्तवामा हमासले अक्टोबर ७ मा गरेको ‘आतंककारी’ आक्रमणको कडा शब्दमा भत्सर्ना गर्नुपर्ने र हमासले बन्धक बनाएकाहरुलाई तुरुन्तै रिहा गर्नुपर्ने माग समावेश गरिनुपर्ने कुरा उठाएको थियो ।
उक्त प्रस्तावको पक्षमा मतदान गर्ने देशहरुमा चीन, फ्रान्स, दक्षिण कोरिया, इन्डोनेशिया, इरान, कुवेत, वेल्जियम, ब्राजिल, लक्जेम्वर्ग, कतार, रुस, सउदी अरेबिया लगायतका देशहरु छन् । नेपालले पनि प्रस्तावको पक्षमा मतदान गरेको थियो ।
बाध्यकारी नहुने उक्त प्रस्ताव राष्ट्रसंघको आपतकालीन सत्रमा जोर्डनले पेश गरेको थियो ।
मण्डेलादेखि मोर्सीसम्म : इमरान खान र पाकिस्तानी राज्यसत्ताको क्रूर परपीडक चरित्र
अफ्रिकन नेसनल कंग्रेसको पतन
एपेकको कार्यसूचीका लागि ग्लोबल साउथको एउटै साझा माग : ऋण मिनाहा
इजरायललाई अमेरिकी सहायता बन्द गर्ने ट्रम्पको घोषणा
अमेरिकी मध्यावधि निर्वाचनमा 'निलो लहर' र ट्रम्प प्रशासनमाथिको ठूलो धक्का
रूस–युक्रेन युद्ध: चार वर्षपछि पनि किन टुंगिन सकेको छैन यो युद्ध?
इरान युद्ध र तेस्रो विश्वयुद्धको बहस: विश्व साँच्चै कता जाँदै छ?
प्रतिक्रिया