विश्वासघातको परिणाम

एक पटक ब्वाँसोहरुले भेडाका हेरचाह गर्न पालिएका कुकुरहरुसँग भने– “तिमीहरु हरेक कुरामा हामी जस्तै छौ, किन तिमीहरु हामीसँग मेलमिलाप गर्दैनौ ? हाम्रो विचार गर्ने तरिकामा बाहेक हामीहरुका बीच कुनै कुरा कुनै फरक देखिंदैन । हामीहरु स्वतन्त्रतापूर्वक जीवन बिताउँदछौं । तिमीहरु मान्छेका अगाडि दासझैं घुँडा टेक्छौ, तिनले तिमीहरुलाई कुट्छन्, अनि घाँटीमा पेटी बाँधिदिन्छन् र तिमीहरु तिनको भेडाबाख्रा हेर्छौं । मान्छेले तिमीहरुलाई पुराको हाड सिवाय केही खान दिँदैनन् । हाम्रो सल्लाह मान । सबै भेंडाबाख्रा हामीलाई जिम्मा लगाइदेऊ अनि दुबै थरी भाग लगाएर मजाले पेटभरी खाऔंला ।”

कुकुरहरुले ब्वाँसोको प्रस्ताव माने। उनीहरुले ब्वाँसोलाई खोरभित्र पस्न ढोका खोलिदिए ।

तर खोरभित्र पस्नेबित्तिकै ब्वाँसोहरुले सबभन्दा पहिले कुकुरहरुलाई नै मारे ।