इजरायली अत्याचारका विरुद्ध कलाकारहरुको प्रतिरोध नाटक

गाजा क्षेत्र तथा लेवनानमा समेत इजरायलले चलाइरहेको शताब्दीकै सबैभन्दा भयानक र त्रासदीपूर्ण नरसंहारको विरोधमा नेपालका राजनीतिक दलहरु, मानवाधिकारवादी संघसंस्थाहरु,  वृहत नागरिक आन्दोलन, पेशागत संघसंस्थाहरुले विभिन्न विरोध कार्यक्रमहरु गरिरहेका छन् । त्यति मात्रै होइन, नेपालका कलाकार तथा कविहरुले समेत विभिन्न माध्यमहरुबाट त्यस घटनाका विरुद्ध आफ्ना विरोधका आवाजहरुलाई बुलन्द गर्दै आइरहेका छन् ।

यसै क्रममा गत मंसिर शनिवार ‘प्यालेष्टिनीहरुमाथि इजरायलबाट भइरहेको जनसंहारविरुद्ध संयुक्त अभियान, नेपाल’ले माइतीघर मण्डलामा आयोजना गरेको जनसभामा कलाकारहरुले नाटकको माध्यमबाट आफ्नो प्रतिरोधलाई प्रस्तुत गरेका थिए ।

‘In the midst of destruction’ यो सासको अर्को छाक होला कि नहोला?, हे बम बर्साउने छिमेकी’ शीर्षकको सो प्रयोगात्मक अमूर्त नाटकमा कलाकारहरु अज्ञेय खनाल, नवीना रानाभाट, निर्भिक र निरञ्जन अर्गाली मगरले प्यालेस्टाइनमा भैरहेको नरसंहार र त्यहाँका विभिन्न घटना, कथा र कलात्मक चित्रणहरुलाई; मनोवाद, प्रतीकात्मक प्रतिनिधित्व, सरारिक हावभाव, नाराहरुको प्रयोग गरी सङ्गठित रुपामा प्रस्तुत गरेका थिए ।

प्रस्तुत छ: उक्त नाटकको भिडियो:

सम्बन्धित सामग्री

इजरायली अत्याचारविरुद्ध जुलुस र विरोधसभा