राजेन्द्र सुवेदी स्मृति पुरस्कार श्रेष्ठ र थापालाई

राजेन्द्र सुवेदी स्मृति पुरस्कार प्रथम पटक वरिष्ठ समालोचक दयाराम श्रेष्ठ र राजेन्द्र सुवेदी कला पुरस्कार वरिष्ठ नृत्यविद् भैरवबहादुर थापालाई दिने निर्णय भएको छ ।

राजेन्द्र सुवेदी स्मृति केन्द्रका अध्यक्ष प्रा.डा. जीवेन्द्रदेव गिरीको अध्यक्षतामा समाजको कार्यालयमा असार २१ भएको वैठकबाट सो निर्णय भएको हो ।

वरिष्ठ समालोचक तथा निबन्धकार  राजेन्द्र सुवेदीको स्मृतिमा उहाँको परिवारले दश लाख राशीको अक्षयकोश राखी यो पुरस्कारको आयोजना गरेको हो ।

आगामी साउन १९ गते राजेन्द्र सुवेदीको जन्म जयन्तीको अवसर पारेर प्रदान गरिने दुवै पुरस्कारको राशी २१,०००।—  रहेको छ ।