खाना खाएपछिको १०–२० मिनेट हिँड्नुको फाइदा

खाना खाएपछि मात्र १० देखि २० मिनेटसम्म हिँड्दा त्यसले मेटाबोलिक प्रक्रियालाई 'रिसेट' गर्ने एक शक्तिशाली माध्यमको रूपमा काम गर्छ । त्यसरी हिँड्दा हाम्रो शरीरका मांसपेशीहरूले ऊर्जाका लागि सिधै ग्लुकोज सोस्न पाउँछन्। यो क्रियाले तत्कालको शारीरिक गतिविधिले कार्बोहाइड्रेट सेवनपछि सामान्यतया बढ्ने रगतको चिनीको मात्रा (Blood sugar spikes) लाई उल्लेख्य रूपमा कम गर्छ र शरीरमा इन्सुलिन उत्पादनको मागलाई घटाउँछ। ग्लुकोज व्यवस्थापन बाहेक, हल्का हिँडडुलले पाचन प्रणालीका मांसपेशीहरूलाई सक्रिय बनाई पाचन प्रक्रियालाई तीव्र पनि बनाउँछ । यसले गर्दा  खाना खाएपछि हुने पेट फुल्ने, ग्यास जम्ने र अन्य असजिलोपनलाई प्रभावकारी रूपमा कम गर्छ।

खाना खाएपछिको पैदल यात्राका फाइदाहरू पाचन प्रणालीमा मात्र सीमित छैनन्; यसले मानसिक सुस्तता (Mental fog) हटाउन र रक्तसञ्चार बढाउन पनि मद्दत गर्छ । फलत: खाना खाएपछि आउने आलस्यता वा "फूड कोमा" (Food coma) विरुद्ध प्राकृतिक सुरक्षा प्रदान गर्छ।

यो छोटो समयको हिँडाइले शरीरमा 'इन्डोर्फिन' (Endorphins) हर्मोन उत्सर्जन गराउँछ । त्यस हर्मोनले हाम्रो मुड सुधार्न र दिउँसोको समयमा हुने थकानको बीचमा एकाग्रता बढाउन मद्दत गर्छ। यसलाई निरन्तर बानी बनाएर व्यक्तिहरूले आफ्नो दीर्घकालीन इन्सुलिन संवेदनशीलता (Insulin sensitivity) र मेटाबोलिक दक्षतामा सुधार गर्न सक्छन्।

यसरी खाना खाएपछि १०–२० मिनेट हिँड्ने गर्दा प्रत्येक पटकको भोजन आलस्यको स्रोत नभई निरन्तर ऊर्जा प्राप्त गर्ने अवसरमा परिणत हुन्छ।

स्रोत: बफे, एस. एन., वेस्टगेट, के., र बोर्न, एन. द इफेक्ट्स अफ पोस्टप्रान्डियल वाकिङ अन ग्लुकोज मेटाबोलिज्म: अ सिस्टम्याटिक रिभ्यु। स्पोर्ट्स मेडिसिन।