श्रीलङ्कामा नेशनल पिपल्स पावरको ठूलो जीत: वामपन्थी गठबन्धनले ल्यायो नयाँ जनादेश

श्रीलङ्काका राष्ट्रपति अनुरा कुमारा दिशानायकेको वामपन्थी गठबन्धनले संसदीय निर्वाचनमा अत्यधिक बहुमत हासिल गरेको छ ।

शुक्रबार सम्पन्न निर्वाचनको अधिकांश मतगणना सम्पन्न हुँदा, दिशानायकेको नेशनल पिपल्स पावर (NPP) ६२ प्रतिशत मतसहित र बहुमत सिटहरूमा अगाडि रहेको भने विपक्षी गठबन्धन समागी जन बालवेगया (SJB) ले १८ प्रतिसत मत प्राप्त गरेको छ।  यो आंशिक नतिजा मुलुकको निर्वाचन आयोगले दिएको हो।

नेशनल पिपल्स पावरले २२५ सदस्यीय संसदमा १३७ सिट जितेको थियो। त्यस्तै २२ निर्वाचन क्षेत्र मध्ये २१ मा यसले अग्रता लिएको थियो। यो रुझान कायम रहे यो गठबन्धनलाई व्यापक संसदिय बहुमत प्राप्त हुनेछ।

त्यस्तै पूर्व राष्ट्रपति रानसिंहे प्रेमदासाका छोरा सजीत प्रेमदासाले नेतृत्व गरेको समागी जन बालवेगयाले ३५ सिटहरू प्राप्त गरेको छ। सोहि प्रकारले पुर्व रास्ट्रपति रानिल विक्रमसिंघे द्वारा समर्थित नेशनल डेमोक्रेटिक फ्रंटले ५ प्रतिसत भोट प्राप्त गरेको छ।

तमिल अल्पसंख्यकको प्रतिनिधित्व गर्ने इलंके तमिल अरसु काच्चीले ६ सिट जितेको छ।

बिहीबार भएको मतदानमा करिब ६५ प्रतिशत मतदाताले सहभागिता जनाएका थिए, जुन सेप्टेम्बरको राष्ट्रपति निर्वाचनमा ८० प्रतिशत मतदाताले मतदान गरेकोको तुलनामा कम हो।

 दिशानायकेको गठबन्धन संग अघिल्लो संसदमा केवल तीन सिटमात्र भएकोले नयाँ जनादेशको खोजीमा उनले मध्यावादी संसदिय निर्वाचनको आह्वान गरेका थिए। चुनाव प्रचारको क्रममा राष्ट्रपति अनुरा कुमारा दिशानायकेले आर्थिक चुनौतीहरूको समाधान, गरिबी निवारण कार्यक्रमहरूलाई सुदृढ पार्ने, सरकारको अनावश्यक खर्च कटौती गर्ने र भ्रष्टाचारलाई नियन्त्रण गर्ने जस्ता आफ्ना एजेन्डाहरु लागु गर्नका लागि, संसदमा दुई तिहाइ बहुमतको लागि जनतालाई अपिल गरेका थिए। यो नतिजाले मार्क्सवादी झुकाव राख्ने राष्ट्रपति अनुरा कुमारा दिशानायकेलाई आफ्नो एजेन्डाहरु लागु गर्ने बलियो जनादेश दिएको छ।

Image source: https://www.sundayobserver.lk