इजरायलको 'युद्ध अपराध': अस्पतालमाथि आक्रमण गरी ५०० बढीको हत्या !
हमासले गरेको आक्रमणको प्रतिरोधमा उत्रिएको इजरायल यतिखेर गापा क्षेत्रमा अन्धधुन्ध हवाइ आक्रमण गरिरहेको छ । यसैक्रममा उसले एउटा अस्पतालमा आक्रमण गर्दा ५०० जनाभन्दा बढीको ज्यान गएको छ ।
गाजामा रहेको अल–अहिले वाप्तिस्ट अस्पतालमा वमवर्षा गरी इजरायलबाट भएको यस हत्याकाण्डले हिटलरको युद्ध अपराधलाई समेत पछाडि पारिदिएको छ । अधिकांश बच्चा र महिलाहरुको ज्यान लिएको उक्त हत्याकाण्डको विरुद्धमा विश्वव्यापी रुपमा आक्रोश र भत्सर्ना भइरहेको छ ।
यसैक्रममा जोर्डनले अमेरिकी राष्ट्रपति जो बाइडेन तथा अन्य अरब प्रतिनिधिहरुसँग हुने भनेको शिखर सम्मेलनलाई रद्द गरिदिएको छ ।
राष्ट्रसघमा रहेका अरब प्रतिनिधिहरुले तुरुन्तै युद्धविरामको माग गरेका छन् । त्यसै गरी, प्यालेष्टिनी राजदूतले इजरायलको कदमलाई ‘मानवताविरुद्धको अपराध’ घोषित गर्दै विश्वले त्यसलाई रोक्नु पर्ने बताएका छन् ।
उक्त घटनाको विरोधमा पश्चिम बैंक, लेवनान लगायत मध्यपूर्वका थुप्रै देशहरुमा स्वतःस्फूर्त रुपमा विरोध प्रदर्शनहरु भएका छन् ।
जोर्डन, इजिप्ट, कतार, अरबलिग, टर्की, क्यानडा, इरान लगायतले उक्त घटनाको विरोध गरेका छन् ।

विश्व स्वास्थ्य संगठनले पनि उक्त हत्थ्याकाण्डको घोर विरोध एवं भत्सर्ना गरेको छ । त्यसै गरी विश्व स्वास्थ्य संगठनका डाइरेक्टर जनरल टेड्रोस अधनोम घेब्रेयसले पनि एक ट्वीट गर्दै सो घटनाको भत्सर्ना गरेका छन् । उनले सर्वसाधारण नागरिक, स्वास्थ्य कर्मीहरुको सुरक्षाको माग गरेका छन् ।

इजरायलले उक्त हमलाको जिम्मा लिन अस्वीकार गरेको छ । उसले त्यस घटनामा आफ्नो हात नरहेको र प्यालेष्टिनी इस्लामी जिहाद नाम गरेको संगठनले त्यो घटना घटाएको आरोप लगाएको छ । इजरायलमाथि हानेको रकेट खसेर उक्त घटना भएको उसको दावी छ । तर इस्लामी जिहादले उक्त आरोपलाई खारेज गरेको छ ।
स्मरणीय छ, इजरायली सेनाले गाजामा रहेका सबै अस्पतालहरुलाई समेत खाली गर्न यसअघि निर्देशन दिइसकेको हो । यस अर्थमा पनि उक्त हमलामा शंकको सुइ बलियोसँग इजरायलमाथि तेर्सिएको हो ।
Title photo: bbc.com
औपचारिकताको चक्र तोड्ने र ‘नेपाल कार्ड’ चलाउने कूटनीतिक अग्निपरीक्षा
शेन्झेन सम्मेलन : बहुध्रुवीय विश्व कि महाशक्तिको नयाँ प्रभुत्व?
चर्चा बालेनको भारत भ्रमणको, चिन्ता राष्ट्रिय स्वाधीनताको
बिचौलिया उत्पादन गर्ने राज्यसत्ताको चरित्रमाथि प्रश्न
स्वर्णिम वाग्लेको झुसिलो डकार
ब्राजिलको चुनावमा लुलाका नौ औँलाहरूको कमाल
कांग्रेस महाधिवेशन : सतहमा हलचल, सारमा निरन्तरता
प्रतिक्रिया