इजरायली अत्याचारविरुद्धको साझा पहल

प्यालेस्टाइनी तथा लेवनानी जनतामाथि इजरायलले मच्चाइरहेको नरसंहार तथा दमनका विरुद्ध संघीय राजधानी काठमाडौंमा असोज १९ गते एक सर्वदलीय/सर्वपक्षीय बैठकको आयोजना भएको छ ।

प्रगतिशील रुपान्तरण  आन्दोलनको  पहलमा भएको सो बैठकले  इजरायलले गरेको अत्याचारका विरुद्धमा दशैंपछि एउटा सशक्त विरोध कार्यक्रमको आयोजना गर्ने निर्णय समेत गरेको छ ।

उक्त बैठकले  इजरायलले गरेको अमानवीय अत्याचारका विरुद्ध एउटा संयुक्त वक्तव्य जारी गर्ने, तिहारपछि ठूलो बिरोध  कार्यक्रम दिने लक्ष्य राख्ने, सर्वसाधारण जनतामा इजरायलले गरेको अमानवीय अत्याचार सम्बन्धमा जनमत सृजना गर्न छोटा-छोटा भिडियो सामग्री / युट्युब सामग्री निर्माण गर्न थाल्ने, पत्रपत्रिकामा लेख प्रकाशित गर्न थाल्ने जस्ता निर्णयहरु पनि गरेको छ ।

साथै सो बैठकले ‘संयुक्त बिरोध कार्यक्रम जारी भएसम्मको अवधिभर बैठकमा उपस्थित राजनीतिक दल र नागरिक संस्थाका प्रतिनिधिहरूको समन्वय समिति कायम राखिराख्ने तथा समान उद्देश्य भएका  तर यसमा छुटेका दल तथा संस्थाको  प्रतिनिधित्व गराउन प्रयास गर्ने’ समेत भएको छ ।