जुलियन असान्ज जेल मुक्त
विकिलिक्सका जुलियन असान्ज जेल मुक्त भएका छन्। बेलायतको सबै भन्दा कडा बेलमार्श जेलमा १९०१ दिन कारागार जीवन बिताएपछि २४ जुनमा उनलाई रिहा गरिएको हो। उनलाई बेलायतको लन्डन उच्च अदालतले जमानतमा छोडेको थियो। त्यसपछि जुलियन असान्जलाई स्टैनस्टेड एयरपोटमा लगेर रिहा गरिएको थियो। उनले हिजै बेलायत छोडेर आफ्नो देश अस्ट्रेलिया तर्फ प्रस्थान गरेका छन्।
बेलायतको अदालतका अनुसार विकिलिक्सका संस्थापक जुलियन असान्ज एक समझौता अन्तर्गत अमेरिकाले उनीमाथि लगाएका तथाकथित अपराधिक आरोपहरु स्वीकार गर्नेवाला छन् र यसवापत उनलाई मुक्त रिहा गरिएको हो। यो सम्झौता अनुसार जुलियन असान्जले आफूमाथि लागेका आरोपहरु अमेरिकी मुख्य भूमिको अदालतमा नभई अस्ट्रेलिया नजिक रहेको उत्तरी मेरिना द्विपमा जुलाई २६ मा स्वीकार गर्नेछन् ।
अस्ट्रेलिया सरकारले जुलियन असान्जको मुद्दा धेरै लामो समयसम्म चलेको भन्दै चासो व्यक्त गर्न थालेको थियो। गत अप्रिलमा अमेरिकी राष्ट्रपति जो बाईडेन आफुले अस्ट्रेलिया सरकारले जुलियन असान्ज माथि लगाइएका अभियोगहरु फिर्ता गर्न गरेको अनुरोधमाथि बिचार गरिरहेको बताएका थिए।
जुलियन असान्जले बेलायत स्थित इक्वेडरको राजदुताबासमा २०१२ देखि ७ वर्ष शरण लिएर बसेका थिए। त्यसपछि उनलाई २०१९ मा इक्वेडरको सरकारले २०१९ मा राजदुताबासमा बेलायती प्रहरी बोलाएर गिरफ्तार गराएको थियो। त्यस यता जुलियन असान्जलाई बेलायतको सबै भन्दा कठोर मानिने बेलमार्श जेलमा राखिएको थियो। सो जेलमा ५ वर्ष यता दुई मिटर चौडाई र ३ मिटर लम्बाई भएको अत्यन्त सानो कोठोरीमा दिनको २३ घण्टा सम्म थुन्ने गरिथियो।
जुलियन असान्जको संस्था विकिलिक्सले संसार भरिका सरकारहरुले गरेका युद्ध अपराध, मानव अधिकार उल्लङ्घन, भ्रस्टचारसम्बन्धी गोप्य दस्तावेजहरु प्रकाशित गर्दै आएको थियो। अमेरिकाका काला कर्तुतहरुको भण्डाफोर गरेवापत अमेरिकी सरकार उनका पछाडि टुप्पी कसेर लागेको थियो ।
भारतमा पहिलो पटक विश्वकै ठूलो पहिरो सम्मेलन हुँदै
विश्व मिडिया शिखर सम्मेलनको बेइजिङ सहमति : एआईको जिम्मेवार प्रयोगमा जोड
नेपाल प्रहरीमा नयाँ आईजीपी नियुक्ति
चर्चित भारतीय अभिनेता नाना पाटेकरको ७५ वर्षको उमेरमा निधन
‘नख्खु जेल ब्रेकर’ कम्युनिस्ट नेता घनेन्द्र बस्नेत रहेनन् !
हिमालयन बाढी र जलवायु न्यायका लागि नेपालको जोड
बर्लिनमा वामपन्थी पार्टीको अभूतपूर्व चुनावी जित
प्रतिक्रिया