विश्वका १० ठूला अर्थतन्त्र र तिनका कूल ग्राहस्थ उत्पादनमा प्रमुख योगदानकर्ताहरू

कुनै देशको अर्थतन्त्रको शक्तिको मूल्यांकन गर्न प्रयोग गरिने एउटा प्रमुख मापदण्ड भनेको कुल ग्राहस्थ उत्पादन (GDP) को आकार हो,  जसलाई एक वर्षभित्र कुनै देशभित्र उत्पादन भएका सबै सामानहरू र सेवाहरूको संयुक्त मूल्यको रूपमा परिभाषित गरिन्छ।

कृषि, उत्पादनदेखि तेलसम्म, केही उद्योगहरूले वर्षौंदेखि राष्ट्रको कुल ग्राहस्थ उत्पादनमा सबैभन्दा धेरै योगदान गरेको देखिन्छ ।

कुनै अर्थतन्त्रका मुख्य वृद्धि संकेतकहरूको वास्तविक रूपमा शक्तिहरू बुझ्नका लागि, कृषि, उद्योग, र सेवा गरी तीन प्रमुख क्षेत्रहरूलाई तिनीहरूको कुल ग्राहस्थ उत्पादनमा योगदान गर्ने प्रतिशतअनुसार मापन गरिन्छ। यी क्षेत्रहरूको प्रतिशतहरू जोड्दा, यो कुल ग्राहस्थ उत्पादनको १००% बराबर हुन्छ।

कृषि क्षेत्रमा खेती, माछापालन, र वनजङ्गल समावेश हुन्छन्। उद्योगमा खनिज उत्खनन, उत्पादन, ऊर्जा उत्पादन, र निर्माण कार्य समावेश हुन्छ, भने सेवा क्षेत्रमा सरकारी गतिविधिहरू, सञ्चार, यातायात, वित्तीय सेवा, र ती सबै निजी आर्थिक क्रियाकलाप समावेश हुन्छन्, जसले भौतिक सामानहरू उत्पादन गर्दैनन्।

तलका तथ्यांकहरू अन्तर्राष्ट्रिय मुद्रा कोष (IMF) बाट संकलित गरिएका हुन्, जसले विश्वका शीर्ष १० ठूला अर्थतन्त्रहरू/धनी राष्ट्रहरू र तिनीहरूको कूल ग्राहस्थ उत्पादनमा प्रमुख योगदानकर्ताहरूलाई देखाउँछन्:

क्रम	देश	GDP (अमेरिकी डलर) ट्रिलियनमा	प्रमुख योगदानकर्ता	%
१	संयुक्त राज्य अमेरिका	२८.७८	सेवा क्षेत्र	७७
२	चीन	१८.५३	सेवा क्षेत्र	५५
३	जर्मनी	४.५९	सेवा क्षेत्र	६३
४	जापान	४.११	सेवा क्षेत्र	७१
५	भारत	३.९४	सेवा क्षेत्र	५०
६	संयुक्त अधिराज्य	३.५	सेवा क्षेत्र	७३
७	फ्रान्स	३.१३	सेवा क्षेत्र	७०
८	ब्राजिल	२.३३	सेवा क्षेत्र	५८.९१
९	इटाली	२.३३	सेवा क्षेत्र	६४.३
१०	क्यानाडा	२.४४	सेवा क्षेत्र	६९.७

स्टाटिस्टाका अनुसार, २०१३ देखि २०२३ सम्म विश्लेषण गरिएको तथ्यांकका आधारमा विश्वव्यापी कूल ग्राहस्थ उत्पादनमा सबैभन्दा ठूलो हिस्सा सेवा क्षेत्रको रहेको छ। उद्योग क्षेत्र दोस्रो स्थानमा रहेको छ भने कृषि क्षेत्र तेस्रो स्थानमा रहेको छ।

माथिको तालिकाले यो तथ्यांकलाई पुष्टि गर्दछ– सेवा क्षेत्रले विश्वका ठूला अर्थतन्त्रहरूको कूल ग्राहस्थ उत्पादनमा सबैभन्दा ठूलो योगदान दिएको छ । संयुक्त राज्य अमेरिकामा त्यो ७७% सम्मको योगदान देखिन्छ।

राष्ट्रिय तथ्याङ्क ब्यूरो (NBS) का अनुसार, नाइजेरियामा सेवा क्षेत्रले बैंकिङ, खुद्रा र थोक व्यापार, पर्यटन, सम्पत्ति व्यापार, दूरसञ्चार, चलचित्र निर्माण (नोलिवुड), सूचना र सञ्चार प्रविधि, मनोरञ्जन, र शिक्षा जस्ता विभिन्न उद्योगहरू समेट्छ। यसले २०२४ को पहिलो त्रैमासिकमा कुल कूल ग्राहस्थ उत्पादनको ५८.०४% योगदान गरेको छ।

स्रोत: https://africa.businessinsider.com