फाइदाजनक हुन सक्छ मधुमेहका रोगीहरुलाई बेसारको सेवन
![](https://snowberry.prixacdn.net/media/gallery_folder/turmeric-powder_McFuvdYPYF_rr0nmpv6iw0q32z5t1pw2xy59exnesqkf8xuct8nfwojjhdqmmerpzib0hy0_rHTk8IW7K0_6pahoa1rgvxyszyjpvfl5mexchksbeijbpb7f0bpktimw1mvslnfxpfytrro.jpg)
सबैको भान्छामा अनिवार्य रुपमा पाइने मसलाहरुमध्येमा सबैभन्दा प्रमुख हो बेसार । बेसारबिना हामी खानेकुरा पकाउने कल्पना पनि गर्न सक्दैनौं । तर बेसार वास्तवमा मसला मात्रै होइन । यो त औषधीय गुणहरुले भरपूर अत्यन्तै महत्वपूर्ण जडीबुटी पनि हो ।
बेसार दक्षिण एशियामा पाइने महत्वपूर्ण जडीबुटी मसला हो । यसको प्रयोग प्राचीनकालदेखि नै हुँदै आएको छ । यो अदुवा परिवारमा पर्ने विरुवाको गानो हो । यस विरुवाको छिप्पिएको गाढा सुन्तले, पहेलो रङको गानो खाद्य मसला तथा औषधीको रुपमा प्रयोग हुने गर्छ । स्वादमा केही तीतो हुने यस मसालाको गन्ध तोरीको जस्तो तिख्खर हुने गर्छ । मसला र औषधीको रुपमा बाहेक बेसारको प्रयोग कपडा, धागो, कागजहरु रङ्ग्याउन समेत प्रयोग हुने गर्छ ।
बेसारको धूलोको रुपमा बढीजसो प्रयोग हुने गर्छ । त्यसबाहेक, बेसारलाई प्रशोधन गरेर ट्याब्टेल, क्याप्सुल तथा तेल समेत बनाउने गरिन्छ । सामान्यतः बेसारको प्रयोग सुरक्षित नै मानिन्छ । तर यसको जथाभावी अत्यधिक सेवनले पेट दुख्ने, अल्सर हुने, डण्डीफोर आउने जस्ता समस्याहरु देखापर्न सक्छ । बेसार आयुर्वेद तथा चिनियाँ परम्परागत औषधीहरुमा प्रयोग गर्ने गरिन्छ ।
बेसारका फाइदाहरु अनगिन्ती छन् । यहाँ मधुमेहका रोगीहरुलाई बेसार किन र कसरी फाइदाजनक हुन सक्छ भन्नेबारे सामान्य जानकारी दिइएको छ ।
बेसार डाइबिटिज रोगमा उपयोगी मानिन्छ । हाम्रो शरीरको रगतमा चिनीको मात्रा बढेको अवस्था मधुमेह हो । खासगरी, खानेकुराहरुमार्फत् हामीले प्राप्त ग्लुकोजलाई उपयोग गर्न मुख्य भूमिका खेल्ने इन्सुलिनको उत्पादन शरीरमा पर्याप्त मात्रामा हुन नसक्दा वा शरीरले उत्पादित इन्सुलिनको उपयोग गर्न नसक्दा मधुमेह देखापर्ने हो । यस्तो अवस्थामा बेसारको नियमित सेवनले मधुमेहको असरलाई कम गर्ने गर्छ । विशेषतः बेसारका कर्क्युमिनमा पाइने एन्टिअक्सिडेन्ट, एन्टिमाइक्रोबायल र एन्टि ग्लेकाइमिक पदार्थहरुले शरीरले इन्सुलिनलाई प्रतिरोध गर्ने समस्याबाट बचावट गर्ने गर्छ । बेसारको नियमित सेवन गर्दा मधुमेहका रोगीहरुको शरीरले विस्तारै इन्सुलिनलाई प्रतिरोध गर्न छोड्छ ।
बेसारले शरीरमा इन्सुलिनको स्तर नियमन गर्न सहयोग गर्छ । रगतमा चिनीको मात्रा नियमित गर्न प्यान्क्रियाजमा उत्पादन हुने इन्सुलिनले भूमिका खेल्छ । बेसारको एन्टिग्लाइसेमिक गुणले प्यान्क्रियाजको कामलाई नियमित र ठीकसँग कायम राख्न, इन्सुलिनको स्तरलाई शरीरमा नियमित गर्न, शरीरमा इन्सुलिन प्रतिरोधको विकासलाई रोक्न, रगतमा चिनी र ट्राइग्लिसराइडको स्तर घटाउन भूमिका खेल्ने गर्छ । त्यसैगरी, यसले रगतमा चिनी र ग्लुकोजको स्तरलाई सन्तुलनमा राख्न, पाचन सुधार गर्न, हानिकारक बोसो शरीरमा जम्मा हुन रोकी मोटोपन तथा अनावश्यक तौल बढ्न नदिने काम गर्छ । यो अवस्था भनेको निश्चय पनि मधुमेह रोकथामका लागि राम्रो हो ।
बेसारमा पर्याप्त मात्रामा एन्टिअक्सिडेन्ट र फाइटोन्यूट्रिएन्टहरु पाइन्छ । यसमा पाइने कर्क्युमिनमा एन्टिमाइक्रोबायल, एन्टिइन्फ्लेमेटरी र एन्टि ग्लाइसेमिक गुणहरु हुने गर्छ । यी तत्वहरुले शरीरको रोग प्रतिरक्षा प्रणालीलाई बलियो बनाउन मद्दत गर्छ । शरीरको रोग प्रतिरोधी क्षमता बलियो हुनुको अर्थ धेरै स्वास्थ्यसमस्याहरुबाट मुक्ति पाउनु हो । स्वस्थ शरीरले मात्र मधुमेह जस्ता रोगहरुविरुद्ध प्रभाकारी रुपमा लड्न सक्छ ।
कोक्साकी बी४ (Coxsackie B4) नाम गरेको भाइरसले मानिसमा डाइबिटिज लगाउने सम्भावना बढाइदिने विश्वास गरिन्छ । बेसारको एन्टिभाइरल एन्टिव्याक्टेरियल र अन्य एन्टिबायोटिकले यो भाइरसविरुद्ध लड्न सहयोग गर्छ । यसको अर्थ के पनि हो भने बेसारले यी भाइरसविरुद्ध शरीरको रोगप्रतिरोधी क्षमतालाई बलियो बनाएर मधुमेह लाग्ने एउटा सम्भावनालाई न्यून गरिदिन्छ । त्यसबाहेक, बेसारले पाचनसम्बन्धी थुप्रै समस्याहरुविरुद्ध लड्न पनि सहयोग गर्छ, जुन समस्याहरु प्रत्यक्ष अप्रत्यक्ष रुपमा मधुमेहसँग पनि सम्बन्धित हुने गर्छ ।
त्यसैले बेसारको प्रयोग मधुमेहका विरुद्ध उपयोगी मानिन्छ ।
बेसार मधुमेहका विरुद्ध उपयोग हुने कुरा अध्ययनहरुले देखाएको नतिजाको कुरा हो तर त्यो नै अन्तिम नतिजा भने होइन । यसबारेमा थप व्यापक अध्ययन हुनु जरुरी छ । खासगरी, मधुमेह रोगीहरुका लागि बेसार फाइदाजनक छ, यसको ठिक्क मात्राको सेवनले कुनै साइड इफेक्ट गर्दैन । तर यसको अर्थ यो होइन कि यो मधुमेहका रोगीहरुले खाइरहेको औषधी कै विकल्प हो । चिकित्सकको सल्लाहमा औषधी खाइरहेका मधुमेह रोगीहरुले बेसार खाए पनि औषधी खान छाड्नु हुँदैन । बेसार खाँदा भएका फाइदाहरुका आधारमा चिकित्सकको सल्लाहमा विस्तारै औषधीको मात्रा घटाउँदै लैजानु उत्तम उपाय हुन सक्छ ।
अर्को महत्वपूर्ण कुरा के हो भने, आफ्ना चिकित्सकलाई यसबारे अवगत गराउनु जरुरी हुन्छ । सामान्यत: बेसार सेवन सुरक्षित कुरा हो तर कतिपय औषधीहरुसँग यो जुघ्न सक्छ । त्यस्ता कुनै अस्वभाविक लक्षण देखिएमा औषधीको रुपमा बेसारको सेवन तुरुन्तै रोक्नु जाति हुन्छ ।सामान्यत: प्राकृतिक रुपमा हामीले बेसार सेवन गर्दा त्यसको औषधीय तत्वलाई शरीरले राम्ररी ग्रहण नगर्न पनि सक्छ । सामान्यत: बेसारका साथ कालो मरिच मिसाएर खाँदा त्यसको प्रभाव राम्रो पर्ने गर्छ । अझ आजभोलि त शरीरले राम्ररी पचाउने गरी बेसार ट्याब्लेट–क्याप्सुलका रुपमा पनि पाइन्छ । त्यो एउटा विकल्प हुन सक्छ ।
![किन खाने फर्सी ? यस्ता छन् फर्सी खानुका फाइदाहरु !](https://snowberry.prixacdn.net/media/gallery_folder/Pumpkin_BeTsXjOsoe_zuqcwnkxxqhmdrxtmwreg256evgp5gxnd5pvecsj8yeazuxy2r5oocze7bis_KpwVSZN7qQ_yxest2yblebcrajf9x1g8muq2kq2nz1rtvwxxqf23dlqdqp4ovu6unqfnuoh.jpg)
किन खाने फर्सी ? यस्ता छन् फर्सी खानुका फाइदाहरु !
![कुशेऔंसी: जिउँदा पिता र दिवंगत पितृलाई सम्झने–सम्मान गर्ने पर्व !](https://snowberry.prixacdn.net/media/gallery_folder/Kuse%2520ausi%252001_ALT3iCn5ov_dexejycgnrrrizch46jnnv3xuoriwjxhd4kl0lute6kfeaxii64wiuq0iyjc_q4t7td9mKS_t2ko99nktocq4tn2ysfcfhnqx4nikvcqbsw0nqi70x4tcrcwged0nnyumjrh.jpg)
कुशेऔंसी: जिउँदा पिता र दिवंगत पितृलाई सम्झने–सम्मान गर्ने पर्व !
![के सर्पको पूजा हिन्दूहरुले मात्रै गर्छ ?](https://snowberry.prixacdn.net/media/gallery_folder/Snake%2520worship_65WQK0f1Tm_gkor3ulymynxj01zroegr5r3molskkvwc5dhsy0hiiuzmucwxndrvx1tbmr6_03gYgqpDUN_c2gzinlzojsl4jxfhomr9zm5wwbir8xffnxquksrrddghjrksffcufnhcrum.png)
के सर्पको पूजा हिन्दूहरुले मात्रै गर्छ ?
![मौरीको विषले स्तन क्यान्सरको कोष मार्न सक्ने !](https://snowberry.prixacdn.net/media/gallery_folder/Honey%2520bee_OcovRYSI9g_8frvlvtvltmtiwp0qouz1ylth4jsk5moux3qcn2vysttrnlyimppa4tec78t_ldwRxwNH8A_dzpelmliuggea6g7ym8n1ldunequ3aaavbkyxfdqolu2xqpividzbc3cxrp4.jpeg)
मौरीको विषले स्तन क्यान्सरको कोष मार्न सक्ने !
![के हामीले ब्रम्हकमल भनेको फूल साँच्चिकै ब्रम्हकमल हो त ?](https://snowberry.prixacdn.net/media/gallery_folder/Bramhakamal_721JrdExWs_anpq36xssski2jgwheq2j2flxet3iddxtnnb9djv7vs1yzdvzkutvags4hez_v0YA2s1vea_nbllmoknxhgqkas7dqrgzcy0jsxpljzzmxaijsmadhwk6usbgdptfeekfmmt.jpg)
के हामीले ब्रम्हकमल भनेको फूल साँच्चिकै ब्रम्हकमल हो त ?
![रातो मासु खाने कि नखाने ?](https://snowberry.prixacdn.net/media/gallery_folder/red%2520meat_Mui7DfynGZ_fg8ff6boiduszouhcbxtsrxtz7jdoefxrx6izmmaaxeew47wt5km7hv0naic_asvAgNZwbc_snvz5c0tvozwd0djrhqs2q1cm0z8a1xir45iuvhy9r1dlu2eweekohxlsykr.jpg)
रातो मासु खाने कि नखाने ?
![विचित्रको मानसिक समस्या एरोटोमेनिया !](https://snowberry.prixacdn.net/media/gallery_folder/Erotomania-M_fYiu7JvsnU_rrc07uhv2b8hiikah9swyvfiurf1slps12hobtp5wvp0teulocxfgirr2mkn_XRuuR5W6ct_v8ifniq4sf4pxwcwty65yvlsy0wzhd52kgkax1ywdvivypfgql0tkiqvlyz7.jpg)
विचित्रको मानसिक समस्या एरोटोमेनिया !
![गुणकारी मकैका जुँगा: यस्ता छन् फाइदाहरु !](https://snowberry.prixacdn.net/media/gallery_folder/Corn%2520silk%25205_Teg9Cq32vS_mhnmr7jffasktfbzutikff5dvf0tmsdflgy4kwtack2esgriqaarklkfca9a_jeZnrqTcU7_dg08tozl0qlrgua5we6o8nezja3kbgizdajnii4rjabnf2f3fmllt41vndfg.jpg)
प्रतिक्रिया