माउतारालाई सबैभन्दा छिटो परिक्रमा गर्ने ग्रह
मंसिर २६, २०८० मंगलबार ०५:१०
हाम्रो सौर्यमण्डलभन्दा बाहिरका ग्रहलाई एक्जोप्लानेट भनिन्छ । अर्थात् त्यस्ता ग्रहले हाम्रो सूर्यलाई हैन, अर्कै तारालाई आफ्नो कक्षमा रहेर परिक्रमा गर्ने गरिन्छ । त्यस्तै एउटा एक्जोप्लानेटको नाम हो– KOI 1843.03 । पृथ्वीबाट ४३५.४ प्रकाशवर्ष टाढा लीरा नक्षत्रमा अवस्थित यस ग्रहले आफ्नो माउ तारा केपलर–९७४ (KOI 1843) लाई परिक्रमा गर्ने गर्छ । यसले आफ्नो माउतारालाई प्रत्येक ४ घण्टा १५ मिनेटमा एक चक्कर लगाइसक्छ । यस हिसाबले यो अहिलेसम्म फेला परेका हाम्रा सौर्यमण्डलका ग्रहहरु लगायत अन्य ताराहरुका एक्जेप्लानेटहरुमध्ये सबैभन्दा छिटो आफ्नो माउतारालाई परिक्रमा गर्ने ग्रह मानिन्छ ।
यस ग्रहलाई सन् २०१३ मा नासाको केपलर स्पेस टेलिस्कोपले फेला पारेको थियो । पृथ्वीभन्दा करीब १० प्रतिशत सानो यो ग्रह प्रचुर मात्रामा फलामले बनेको छ । वैज्ञानिकहरुका अनुमानमा यो ग्रहको ६६ प्रतिशत फलाम छ । यही कारण यस ग्रह आफ्ना माउताराको बलियो गुरुत्वाकर्षणको बाबजूद टुक्राटुक्रा नभएको हो । बरु खगोलविद्हरुले तीब्र गतिमा ताराको परिक्रमा गर्ने हुनाले यो ग्रह गोलाकार नभई रग्बी–बल जस्तो आकारको रहेको विश्वास गर्छन् । स्मरण रहोस्, हाम्रो पृथ्वीको हिस्सामा ३२ प्रतिशत मात्र फलाम छ ।
हाम्रो सौर्यमण्डलमा भने सबैभन्दा छोटो वर्ष भएको ग्रह बुध हो । पृथ्वीको दिनका आधारमा बुध ग्रहमा ८८ दिन बराबर एक वर्ष हुन्छ । अर्थात् बुध ग्रहले ८८ दिनमा सूर्यको एक चक्कर लगाउने गर्छ । रमाइलो कुरा त के छ भने नेप्च्युन ग्रह (बरुण) ले सूर्यको परिक्रमा गर्न पृथ्वीको १६५ वर्ष बराबरको समय लगाउँछ ।
सजिलो थिएन आदिम मानवको जीवन !
शुक्र ग्रह किन पूर्वबाट पश्चिमतर्फ घुम्छ ?
आणविक हतियार संकलनको भयानक होडबाजी: कुन देशसँग कति छ ?
ग्रहहरुको घुम्ने र सूर्यलाई फन्को लगाउने गति किन फरक फरक हुने गर्छ ?
किन घुम्छ पृथ्वी, घुम्न रोकिए के होला ?
ग्रहका आकारसम्बन्धी केही रमाइला तथ्यहरु
भूउपग्रहका विरुद्ध लेजर हतियारयुक्त पनडुब्बीको प्रयोग गर्न सकिने
प्रतिक्रिया