आणविक हतियार हैन, सबैभन्दा ठूलो आम विनासको साधन त मान्छे !
![](https://snowberry.prixacdn.net/media/gallery_folder/save%2520earth_aWSigzox92_uxcz8wfvev3szfpwnsgnekkhl6j0xhvb172riodtl9bpflipvela7nfluedu_e3MVWR9ctr_eiyh83ivtaba9zkfdlq8m490ndnhpmyj1il8ixcpbbeotfi1gpd7iplocxwc.jpg)
नोम चोम्स्कीका अनुसार एक पटक प्रख्यात खगोल भौतिकशास्त्री (astrophysicist) कार्ल सेगन र प्रख्यात उदविकासवादी जीवशास्त्री (evolutionary biologist) अर्नेस्ट मायर बीच पृथ्वीबाहिर ब्रम्हाण्डमा बुद्दिमान जीव भेटिने सम्भावना बारे बहस भएको थियो ।
कार्ल सेगनले तर्क गरे– ब्रम्हाण्डमा पृथ्वी जस्तै अनगिन्ति ग्रहहरु रहेका छन् । ती ठाउमा बुद्धिमान जीवनको विकास नहुने कुनै कारण नै छैन ।
तर अर्नेस्ट मायरले जवाफ दिए– त्यस्तो सम्भावना एकदमै न्यून छ । उनले यसको कारण दिए हामीसंग एउटा उदाहरण पृथ्वी छ र त्यसैलाई हेर्दा पुग्छ । उनले थपे बुद्दिमत्ता एक प्रकारको घातक उत्परिवर्तन (Mutation) हो । यदि हामीले जीवको सफलतालाई हेर्ने हो भने सबैभन्दा सफल जीव चाहिँ आफूलाई चाँडो उत्परिवर्तन गर्न सक्ने ब्याक्टेरिया र आफूलाई सुहाउँदो वातावरणमा बस्ने गोब्रे किरोहरु हुन् । उनीहरु वातावरणीय संकटलाई पनि झेल्न सक्छन । तर बुद्धिमत्ताको तह बढदै जाँदा जीवहरु कमभन्दा कम सफल हुँदै जान्छन । स्तनधारी जीवको तह आइपुग्दा किरा फट्यांग्राको तुलनामा धेरै कम हुन्छन् । अझ मान्छेको तहमा पुग्दा धेरै सानो समुह मात्र बाँकी रहन्छ । मान्छेको उत्पत्ति भएको करिब एक लाख वर्ष मात्र भयो । अहिले जताततै मान्छे देखेर धेरैलाई भ्रम हुन् सक्छ । तर यो भएको केही हजार वर्ष मात्र भयो । यो समय भनेको उदविकासका दृष्टिकोणले केहि पनि होइन । अर्नेस्ट मायारले तर्क गरे हामीले बुद्धिमान जीवन अन्यत्र कहीँ पनि भेट्ने वाला छैनौ । र यहाँ पनि धेरै लामो समय यो टिक्ने वाला छैन । किनकि बुद्धिमत्ता घातक उत्परिवर्तन हो । हरेक प्रजातिको औसत जीवनकाल एक लाख वर्ष हुन्छ । जुन आधुनिक मानव अस्तित्वमा आएको समय जति नै हो ।
पोहोर-परार साल कोरोना भाइरस विश्वभर फैलिएपछि मान्छेको सामान्य जीवन अस्तव्यस्त भएको थियो । त्यतिबेला संसारभर मान्छेहरु घरभित्रै सीमित बनेका थिए । लामो समयसम्म यातायात, कलकारखाना, उद्योगधन्दा सबै जसो बन्द भए । यसले गर्दा विश्वभर हावा स्वछ भयो, पानि संग्लो बन्यो, माछाहरु फेरि नदीमा निस्फिक्रीका साथ पौडिन थाले र अनेक जंगली जनावरहरु सहरका मुख्य सडकहरुमा निर्धक्क घुम्न थालेका थिए । यसले देखाउछ मानव जाति र उसका गतिविधिले पृथ्वीलाई कति क्षति पुर्याएको रहेछ ! त्यसले के पनि देखयो भनेर मानब जातिको हस्तक्षेप बेगर पृथ्वीको जीवन चक्रले कसरि छोटो समयमै पुनर्जीवन पाउँदो रहेछ । सबै भन्दा बुद्धिमान प्रजाति मानिसले आफैंलाई र पृथ्वीलाई समेत हानि गर्ने आविष्कारले गर्दा आफ्नो जीवनको अन्त आफैं गर्दै गइरहेको छ । पृथ्वीको तापक्रम वृद्धि गरेर जलवायु परिवर्तन गर्न मुख्य जिम्मेवार पेट्रोलियम पदार्थको विकल्प हुँदा हुँदै पनि मान्छे केवल केही पैसाको लोभको कारण यसलाई छोड्न चाहदैन । यसले गर्दा पृथ्वीको वातावरणीय चक् खल्बलिएर अन्तत: मानव कै जीवनको अन्त्य निम्तयाउने निश्चित छ । मान्छेहरु आणविक हतियारलाई आम बिनासको हतियार भन्छन तर वास्तवमा सबैभन्दा ठूलो आम विनासको साधन मान्छे नै हुन् ।
अहिलेको अवस्थालाई मूल्याङ्कन गर्दा भन्न कर लाग्छ– सायद अर्नेस्ट मायर सही थिए !!!
![ग्रहका आकारसम्बन्धी केही रमाइला तथ्यहरु](https://snowberry.prixacdn.net/media/gallery_folder/Planet%2520size%2520comparision_q1PjHpOiRJ_r1606svicsx1mtru40vz8twsvjt9ka0qls0xdm7d9iwad0xegbbjpdoxapeo_AIXx9fziC9_bmcvhlzt9jt8iegeg9imjih41vcntwdwrqki8pi0n8jmbdhzkqcleioecj3a.jpg)
ग्रहका आकारसम्बन्धी केही रमाइला तथ्यहरु
![भूउपग्रहका विरुद्ध लेजर हतियारयुक्त पनडुब्बीको प्रयोग गर्न सकिने](https://snowberry.prixacdn.net/media/gallery_folder/starlink%2520satalite_XUJNkGeLpx_eqftj5mivkzhppfn1goaziqayqkr6gbfiudahw1g0beadntwzmqfhypzwtet_s9QSP43DbP_othgwtus55j42xxcandulinfrovh1fwyag9bt5dy52urn7rs4li5h00gvd16.webp)
भूउपग्रहका विरुद्ध लेजर हतियारयुक्त पनडुब्बीको प्रयोग गर्न सकिने
![ब्लाक होल: ब्रम्हाण्डको विचित्र क्षेत्र](https://snowberry.prixacdn.net/media/gallery_folder/Black%2520hole%2520imagine_iGHl02yOOj_dpmtgcaprnmtach5trarbxqybkbmrvi3xrl1pajmlz7elzroylrgrevxzwgi_Zr8u06xe8K_lnq7rkjnnvx5ccqsgwmbgeexyeop17tqxb1jvw2phau8egjzjwgpc2rocigm.jpg)
ब्लाक होल: ब्रम्हाण्डको विचित्र क्षेत्र
![विरुवालाई हरियो बनाउने क्लोरोफिल](https://snowberry.prixacdn.net/media/gallery_folder/chlorophlly_XxftgfuMkq_03qqgqbvymopkcnkppjwozw8lupav9w1ixrsxxiundpxvsi0eqienlzpwfus_1Hys3yz9Fl_gferfruhn0astqwbc48cicuaqaxew2c02kq8v3qsvduvpdjk5idzpa5x0jdf.jpg)
विरुवालाई हरियो बनाउने क्लोरोफिल
![कसले गर्यो प्लास्टिकको आविष्कार ?](https://snowberry.prixacdn.net/media/gallery_folder/Leo%2520Baekeland_rh9r5z5JQ7_5nwloxxgzfn9ryjntltpuavi8vwvn2toda7xm2xejyiplcw5kex0kko2t9d7_BoBewDxK2A_em4gbn3aoucreztayspilo4beauvovkvohbcbf68wxrurenikmwcwsnleibi.jpg)
कसले गर्यो प्लास्टिकको आविष्कार ?
![समलिङ्गीको आरोपमा नपुंसक बनाइएका महान वैज्ञानिक, जसले आत्महत्या गरे !](https://snowberry.prixacdn.net/media/gallery_folder/Alan%2520Turing_DbRw0SBQjs_epus53dhetlrp0xvwgboi5bhwxl3f4dqns8ilvgpcwmfdqxhfu7w65qaa0kq_r4zdScC9gR_h7xsmaelsjiiurazkldbratpp9nhaqdei1ietpljdqk7oc9jsgkguigphuhp.jpeg)
समलिङ्गीको आरोपमा नपुंसक बनाइएका महान वैज्ञानिक, जसले आत्महत्या गरे !
![के ब्रम्हाण्डको पनि आयु सकिनेछ ?](https://snowberry.prixacdn.net/media/gallery_folder/universe_SyLXucRCTS_i1tjppqdziazewy2vv3zl2ocdrntiak80qtclldfqszofyeszwwwq1j3zoec_ORVUkkDhNi_k76bja2znmcdfep9fdg12bw1ioqcylmwazenc4iawangvpmtaewjnudyjuuo.jpg)
के ब्रम्हाण्डको पनि आयु सकिनेछ ?
![हामी किन रुन्छौं ?](https://snowberry.prixacdn.net/media/gallery_folder/crying_HOXiRKQU0O_g0hpy7i4mhk3zysbctjbp5zjignfxowtwjdn97rjd84pg52thqqczj0pf52l_YPHfRkD5Oo_vyj2gmbcw52asvbfsdn4vpg1dcskwytjeft3ibq2iiifw9imfpfre6djrxst.jpg)
प्रतिक्रिया