वरिष्ठ बालसाहित्यकार शान्तदास मानन्धरको निधन
कात्तिक २८, २०८० मंगलबार ०३:२५
वरिष्ठ बालसाहित्यकार शान्तदास मानन्धरको दुःखद निधन भएको छ ।
हर्निया रोगबाट पीडित मानन्धरको बयोधा अस्पतालमा उपचार भइरहेको अवस्थामा निधन भएको हो ।
साहित्यकार मानन्धर ९० वर्षको हुनुहुन्थ्यो ।
नेपाली बाल साहित्यका सर्जक, प्रवर्धक, प्रकाशक,अनुवादक, अन्वेषक, प्रचारक र प्रसारक समेत रहनुभएका शान्तदास मानन्धर जीवनको उत्तरार्धमा पनि साहित्य सिर्जनामा नै निरन्तर सक्रिय एवं क्रियाशील हुनुहुन्थ्यो ।
गत वर्ष उहाँलाई बाल साहित्य रत्न उपाधिबाट सम्मानित गरिएको थियो ।
मानन्धर पहिलो पारिजात बालसाहित्य सम्मान २०७०, जगदम्बाश्री सम्मान २०७५ लगायत अन्य थुप्रै सम्मानहरुबाट समेत सम्मानित हुनुहुन्थ्यो ।
मानन्धरको दाहसंस्कार २९ गते बुधबार आर्यघाटमा गरिने तय भएको बुझिएको छ ।
प्रतिक्रिया