चेसँग जोडिएका केही अनौठा प्रसङ्गहरु

Photo: britannica

चे ग्वेभारा आजन्म दमका रोगी थिए । उनले दमको औसधी निरन्तर लिनु पर्थ्यो । तर दम रोगले उनको दैनिक क्रयाकलापहरुलाई खासै बाधित तुल्याएन । रोचक कुरा चाहिँ के हो भने पेसाले उनी आफैं चिकित्सक थिए । 
  क्युबाको क्रान्तिको सफलतापछि उनी कंगोमा संघर्ष गर्न पुगेका थिए तर उनी असफल भए । त्यसपछि चेले बोलेभियामा छापामार युद्ध सुरु गरे । त्यहाँ पनि उनी असफल भए । उनलाई घाइते अवस्थामा गिरफ्तार गरियो र उनको हत्या गरियो । 
चेलाई मार्न आदेश दिने बोलेभियाका सैन्य तानासाह रेने बेरियन्तोस चेको हत्या गरिएको डेढ वर्षपछि हेलिकप्टरमा आगो लागेर मरे  । 
चेलाई घेराउ हाली पक्राउ गर्ने बोलेभियाली सैनिक कर्णल जेंटेनो अनायालाई फ्रान्सको पेरिसमा गोली हानेर मारियो ।
 चे लाई बयान लिने र मार्ने टोलीका कमान्डर आन्द्रेस सेलीचलाई पछि आफ्नै साथीहरुले कुटेर मारे । 
चेको हत्याबारेको खबर विश्वसमक्ष घोषणा गर्ने कर्णेल कुइनटानेलियालाई चार वर्षपछि जर्मनीको ह्यामबर्गमा ३ गोली हानेर मारियो । 
चेलाई पक्राउ गर्न सुराकी गर्ने रोजस नाम गरेका किसानलाई चेका बाँकी साथीहरुले दुई वर्षपछि टाउकोमा २ गोली हानेर मारे । ती किसानले ३००० डलरको लोभमा चेविरुद्ध सुराकी गरेका थिए र उनकै कारण चेको हत्या गर्ने बोलेभियाली सैनिक तानाशाही सरकार र अमेरिकाको षड्यन्त्र सफल भएको थियो ।
चेलाई गोली हानेर मार्ने सार्जेन्ट मारिओ टेरान पागल जस्तै बने । घटनाको धेरैपछि क्युबाले उनको मोतिबिन्दुको अप्रेसन गरिदिएको थियो । 
चे लाई पक्रन भूमिका खेलेका सिआइएका एजेन्ट फेलिक्स रोड्रिगेजलाई चेको हत्या भएकै दिनबाट दम सुरु भएको थियो । उनको त्यो व्यथा आजीवन निको भएन।
चे लाई पक्राउ गर्ने बोलेभियाली सैनिक कप्तान गेरी प्रादो केही वर्षपछि आफैंले बन्दुक सफा गर्ने क्रममा गोली चलेर अपांग बने।